Min menu

Pages

Latest [LastPost]

‏‎المهندس احمد حلمي CEO of Stylisheve أعلن إفلاسه فى هذا البوست !!

‏‎المهندس احمد حلمي CEO of Stylisheve أعلن إفلاسه فى هذا البوست !!

المهندس احمد حلمي شاب من اسكندرية .. نجح نجاح كبير جدا من خلال موقع انشأه و هو Stylisheve.com  و اصبح ملياردير من خلال هذا الموقع كان من اهم الحاضرين دائما فى المؤتمرات التى تخص الربح من الانترنت و البرمجيات .

بعد هذا النجاح الساحق الكبير .. أعلن المهندس أحمد حلمي فلسه !! نعم أعلن فلسه امس من خلال بوست كتبه على فيس بوك و قال : 

‏‎جماعة انا فلست، ياعم انت هتكدب تانى ازاى فلست وانت كنت بتكسب الاف الدولارات وكمان واضح فالصورة انك بتعمل شوبنج ومزهزة معاك، ايوة ياعم اصبر عليا وانا هحكيلك 🙈🙈


‏‎امبارح احنا وقفنا ان الموقع وصل ارباحة ١٠٠ الف دولار، والناس كلها كانت مستغربة وشككو فالجواب بتاع جوجل، اومال هتعملو ايه لو عرفتو ان الموقع وصل ارباحة ٢٤٠ الف دولار 😂😂 ياعم الفشاار كفايه كدا، ازاى ٢٤٠ الف دولار وفلست!!! ما هو ده اللى انا هشرحه ليكم 😍

‏‎انا اهتميت بالمحتوى بتاع الموقع واهتميت بالسوشيال ميديا وصفحة الفيس بوك بتاعت الموقع وصلت ٢٤ مليون🤩 وكنت بعتمد بشكل كبير على انى انزل الموقع على الفيس بوك فالناس تدخل على الموقع وبالتالى بكسب فلوس، لحد هنا الموضوع كويس، ايه بقى اللى حصل؟؟

‏‎فى ٢٠١٤ تقريبا او اول ٢٠١٥ الفيس بوك غير السياسة بتاعة وخلى ان عدد الناس اللى تشوف المواضيع اللى بتنزل مش كتير وده طبعاً اثر بشكل كبير على الارباح وخلانى فى ضغط نفسى كبيير وشبه انى تقريبا مكنتش بنام من القلق و الضغط، وكمان انا طول الفترة من ٢٠٠٠٤ ل ٢٠١٤ عمرى ما اخدت يوم اجازة وكمان مكنش عندى اصحاب وكان فالوقت ده صحبى هو الاب توب بتاعى ولما حصلت مشكلة الفيس بوك انا حسيت انى هيجرالى حاجة وكمان ملقتش حد جمبى اشكيلة..

‏‎فالفترة دى كان معايا فلوس كتير بس مكنش عندى اصحاب وحاولت بكل الطرق انى اكون مبسوط بس معرفتش، نزلتش جبت عربية BMW، ياعم استنى بس يعنى معاك فلوس وعربية BMW ومش مبسوط؟؟؟ طيب ازاى؟؟!!!


‏‎للاسف الفلوس عمرها ما كانت المصدر الوحيد للسعادة ولا تقدر تخليك مبسوط،  انا كنت بروح السينما لوحدي ، اخرج لوحدي واكل لوحدي حتى مكنتش بعرف اتكلم مع الناس لانى مش بعرف اتكلم غير وانا قاعد ورا شاشة الكمبيوتر، وقتها انا اتاكدت ان الفلوس عمرها ما بتسعد انسان ولا عمرها هتكون مصدر للسعادة وقررت انى اوقف الشغل اون لاين خالص واحاول اعمل بيزنس فعلى اقدر اكبرة واحدة واحدة ويكون عندى كيان كبير☺️


‏‎المهم قررت انى اسس براند خاص بمنتجات الشعر،  فالوقت ده مكنتش اعرف انى القرار اللى اخدته ده قرار انتحارى وممكن يدمر كل اللى انا بنيته وقد كان، قلت يلا هاخد الخطوه و زي ما تيجي تيجي🙈🙈 دورت على مصنع اصنع فيه المنتحات، بس للاسف بعد ما صنعت المنتجات معرفتش ابيعها ولا عرفت اسدد فلوس المصنع وفعلا مكنش معايا حتى فلوس انى اعد فى الفندق، لدرجة ان المصنع حجز على المنتجات ورفض يسلمهالى ونزلت مصر وانا معيش وله مليم وفالوقت ده انا فلست و رجعت يا مولاي كما خلقتني 🙈 ، وزى ما عودتكم للقصة بقية 😍🥰 


‏‎‏‎‏‎ملحوظة: الصورة دى وانا فى Dublin, Ireland 🥰 

‏‎‏‎#قصة_كفاحى #مصري_وافتخر


منقول من فيس بوك 
Rate us :
Admin
Admin
اهلا بكم فى cairotimes24.com نتمنى مواضيعنا تنال اعجابكم و اهتمامكم .. من فضلك لا تنسى الاعجاب بصفحتنا على فيسبوك و صفحتنا على تويتر و على بنتريست ليصلك كل جديد

Comments