نص أقوى مشهد فى فيلم طيور الظلام 1995
نقلنا لكم أقوى نص لواحد من أقوى المشاهد بفيلم الزعيم عادل امام ( طيور الظلام ) انتاج عام 1995 و يتحدث المشهد عن الشرف الوظيفي و المرتبات الكبيرة بطريقة رائعة ..
اليكم نص الحوار بين النجمين عادل امام و احمد راتب
- (محسن) إنتَ كنت بتاخذ كام في شركة الحلويات؟
= ليه ؟
- يعني ... بسأل .
= يعني كله كله ، المرتب بالمكافآت بالحوافز، حوالي 650 جنيه .
- طب كويس .. أصل أنا كنت خايف لا الوظيفة الجديدة إلي أنا جايلك علشانها يكون مرتبها أأقل .
= مش حتفرق يا (فتحي) أنا إتعودت أعيش بأي حاجة .
- الوظيفة الجديدة مرتبها 5000 جنيه .
= 5000 جنيه ؟!
- أيوه. إنتَ حتمسك الشؤون الإدارية في بنك إستثماري .
= الشغلانة دي.. شغلانة شريفة ؟
- مافيش فايدة فيك يا محسن .. مافيش فايدة فيك . هو علشان مرتبها كبير، لازم تكون شغلانة غير شريفة ؟
= فتحي؛ إنتَ أمرت إني أتفصل من شركة الحلويات مش كده ؟
- ده حقيقي .
= ده تصرف أنا مش قادر أفهمه .
- إوعى تفتكر إني عاوز أحملك جميل .. أنا مش عاوز حاجة منك .. أنا جاي أخدم واحد صاحبي و بس.. و عارف إنه يستاهل.. الوظيفة دي كان ممكن ياخذها أي حد ثاني عديم الكفائة لمجرد إنه يكون عنده واسطة .
= طب على الأقل كنت عرضت عليا الموضوع .. و بعدها أنا حرّ ؛ أوافق أو ما وافقش.
- ما كنتش حتوافق! مخزون الشعارات إلي جواك كان حيخليك ترفض .. و بعدين أنا عارفك كويس يا محسن .. إنتَ راجل قنوع ، بترضى بأي حاجة.. واحد زيك كان لازم أجبره على إنه يكون له مستقبل أفضل!
= بالأمر يا فتحي ؟!
- بالأمر يا محسن ! .. و بعدين الوظيفة موجودة روح شوفها ، لقيتها غير شريفة سيبها و أنا مستعد أرجعك شغلك القديم بتليفون .. أنا حسيبك دلوقتي .
(طيـور الظـلام)
نقلنا لكم أقوى نص لواحد من أقوى المشاهد بفيلم الزعيم عادل امام ( طيور الظلام ) انتاج عام 1995 و يتحدث المشهد عن الشرف الوظيفي و المرتبات الكبيرة بطريقة رائعة ..
اليكم نص الحوار بين النجمين عادل امام و احمد راتب
- (محسن) إنتَ كنت بتاخذ كام في شركة الحلويات؟
= ليه ؟
- يعني ... بسأل .
= يعني كله كله ، المرتب بالمكافآت بالحوافز، حوالي 650 جنيه .
- طب كويس .. أصل أنا كنت خايف لا الوظيفة الجديدة إلي أنا جايلك علشانها يكون مرتبها أأقل .
= مش حتفرق يا (فتحي) أنا إتعودت أعيش بأي حاجة .
- الوظيفة الجديدة مرتبها 5000 جنيه .
= 5000 جنيه ؟!
- أيوه. إنتَ حتمسك الشؤون الإدارية في بنك إستثماري .
= الشغلانة دي.. شغلانة شريفة ؟
- مافيش فايدة فيك يا محسن .. مافيش فايدة فيك . هو علشان مرتبها كبير، لازم تكون شغلانة غير شريفة ؟
= فتحي؛ إنتَ أمرت إني أتفصل من شركة الحلويات مش كده ؟
- ده حقيقي .
= ده تصرف أنا مش قادر أفهمه .
- إوعى تفتكر إني عاوز أحملك جميل .. أنا مش عاوز حاجة منك .. أنا جاي أخدم واحد صاحبي و بس.. و عارف إنه يستاهل.. الوظيفة دي كان ممكن ياخذها أي حد ثاني عديم الكفائة لمجرد إنه يكون عنده واسطة .
= طب على الأقل كنت عرضت عليا الموضوع .. و بعدها أنا حرّ ؛ أوافق أو ما وافقش.
- ما كنتش حتوافق! مخزون الشعارات إلي جواك كان حيخليك ترفض .. و بعدين أنا عارفك كويس يا محسن .. إنتَ راجل قنوع ، بترضى بأي حاجة.. واحد زيك كان لازم أجبره على إنه يكون له مستقبل أفضل!
= بالأمر يا فتحي ؟!
- بالأمر يا محسن ! .. و بعدين الوظيفة موجودة روح شوفها ، لقيتها غير شريفة سيبها و أنا مستعد أرجعك شغلك القديم بتليفون .. أنا حسيبك دلوقتي .
(طيـور الظـلام)