Cairo Times 24 - كل يوم Cairo Times 24 - كل يوم
random

آخر المواضيع

random
recent
جاري التحميل ...
recent

اعرف اهم تلات طرق جديدة فى مصر .. منين بيروح لفين ؟ محور روض الفرج و طريق شبرا و طريق شرم الشيخ

مساحة اعلانية

اعرف اهم تلات طرق جديدة فى مصر .. منين بيروح لفين ؟ محور روض الفرج و طريق شبرا و طريق شرم الشيخ

الطرق دى يعتبر اكتر طرق ممكن تجري فيها بعربيتك اوى و هتوفر وقت يعني هتوفر وقت و بنزين و هلك لعربيتك بس اهم حاجة تخلى بالك من سلامتك و تسوق فى تركيز تام بلاش جمال الطرق دى يغرك

١. محور روض الفرج – الضبعة:
لو مسافر تصيف فى مرسى مطروح أو الساحل الشمالي السنة دي ننصحك تاخد طريق روض الفرج – الضبعة الجديد امشيه وانت مغمض طريق سريع و واسع و واحد من افضل الطرق اللى اتعملت فى مصر.


الطريق ده بيوفر عليك من ساعة لساعتين عشان بيخرجك من زحمة القاهرة بسرعة والتفريعات عليه قليلة. ممكن تمسك طريق الضبعة من أول ميدان الخلفاوي بشبرا مرورا بكورنيش النيل وممكن برضه تمسكه من الدائري الاقليمي واخر الطريق هتلاقي نفسك على طريق اسكندرية – مطروح الساحلي تكمل بقى لمطروح أو تروح ناحية الضبعة والساحل زي ما تحب.


٢. طريق شبرا - بنها الحر:

لو بتحب تمشي بعربيتك بسرعة او تاكل الطريق ورايح القليوبية، دقهلية، شرقية، غربية أو حتى اسكندرية فطريق شبرا بنها الحر حل مشاكل كتييير! بس امشي براحة عشان ربنا يسترها معاك


الطريق ده بيربط ما بين دائري القاهرة الكبري من عند أم بيومي بشبرا بالدائري الإقليمي في بنها. وبيوفر عليك من ٢٠ ل ٢٥ دقيقة عن طريق اسكندرية الزراعي. وكمان المطبات والتفريعات عليه قليلة والطريق واسع عشان كدة لو بتحب الجري اجري.
٣. طريق شرم الشيخ الجديد:

هتروح من التجمع الخامس لشرم الشيخ في ٤ ساعات بس!


قريب جدا هيتم افتتاح طريق شرم الشيخ الجديد اللي بيربط ما بين القاهرة وشرم الشيخ وبيقتصر المسافة في ٤ ساعات بس بفرق ساعتين عن الطريق القديم. الطريق هيمر بمدن رأس سدر وأبو رديس وطور سيناء لحد مدينة شرم الشيخ، يعني هيسهل عليك أنك تطلع تخطف يومين في شرم وترجع.

مرة تانية يا جماعة لو سمحتم خدوا بالكم جدا من الجري بالعربية فى الطرق دى حتى لو طرق حلوة .. حياتكم اغلى من اى حاجة و تصبحكم السلامة اينما تذهبون :) 

المصدر : 1

لمتابعة صفحتنا على فيس بوك ليصلكم كل جديد كل يوم


التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

إجمالي عدد زيارات كايرو تايمز 24

Google Adsense

جميع الحقوق محفوظة

Cairo Times 24 - كل يوم

2020