The Untold Stories of the Israeli-Palestinian Conflict: Insights from 'Al Daheeh

دير سمعان من أجمل المناطق السياحية و المغامرة فى مصر .. إعرف التفاصيل مع آية السقا

انا و فريقي فى كايرو تايمز 24 من الشباب المحب جدا للرحلات و السفر و نتابع جروبات السياحة على الفيس بوك و على الانستجرام دائما لنشاهد تجارب غيرنا فى السفر و الرحلات الممتعة ..

من حوالى ثلاثة ايام عندما كنت اتصفح جروب Traveller Experience Hub على فيس بوك رأيت بنت جميلة جدا تستمتع فعلا بالرحلة التى تحكي عنها و يبدو ذلك من خلال صورها التى شاركتها فى الجروب لتشارك فرحتها برحلتها كل من حولها من اعضاء هذه الجروب السياحي الرائع هذه البنت اسمها آية السقا

تحكي اية السقا فى تجربتها فى هذه الرحلة عن دير سمعان .. ربما بعضنا او أغلبنا أول مرة فى حياته يسمع عن هذا الأسم أو يعرف ان هذا المكان موجود بمصر من الاساس و انا كنت مثلكم تماما لا اعرف شيئا عن هذا المكان حتى أكملت قراءة بوست آية و هى تبدء كلامها بـ : " من الاماكن اللي اتبسطت فيها اوي ف مصر " ثم تبدء لتحكي لنا التفاصيل كأننا معها فى الرحلة خطوة بخطوة و تقول : " نبدا الأول بأول ما تدخل من البوابة هتلاقي الأمن اللي بياخد البطايق اسمه عمو صليب راجل سكر جدا جدا قعد يقول لاصحابي يجيبوا لي اكل كتير ويوصيهم عليا وتقريبا دي كانت بداية مبهجة اني هتبسط ف المكان لارتباطي الشديد بالأكل عموما وبالاكتفتي خصوصا "

ما هو دير سمعان الذي نستغرب أسمه على مسامعنا ؟!

كما توصف لنا آية السقا حيث تقول : "دير سمعان هو  كنيسة محفورة ف وسط الصخور ف المقطم ومن الاماكن الأثرية اللي مش مشهورة اوي ف مصر لكنه من أعظم واعرق الاماكن اللي انا شخصيا روحتها و اتبسطت فيها. كنت حاسة بالعظمة جدا لانه تحفة معمارية نادرة النحت اللي ف الصخور يخليك تقف كده عندك شغف تعرف أكثر عن الدير انا حاولت اوضح عظمة الصخور دي ف الصور علي قد ما اقدر. "

لكن آية السقا لم تتوقف فقط عن أنها عرفت قصة دير سمعان و لكن أرادت أن تعرف أكثر و أكثر لشغفها بهذا المكان الرائع الذي إستمتعت فيه بوقتها و أمتعتنا نحن محبي السفر و الرحلات بصورها الجميلة فى هذا المكان الخلاب حيث تقول آية : " اما بحثت لقيت انه الدير اتسمي ع اسم القديس سمعان وهو راجل صالح سمي بالدباغ لانه امتهن صناعة و الأحذية ودباغة الجلود ، هو عاش ف زمان الخليفة انهم لدين الله الفاطمي ويطلق عليه ف التراث القبطي سمعان الحراز"

تكمل لنا آية السقا يومها فى هذا المكان الرائع بوصفها للجزء الثاني فى هذا اليوم الممتع و توصف النشاطات و الالعاب التى يمكن ان تشعر بالأنبساط عند ممارستها هنا حيث تخبرنا آية : " عبارة عن ٥ العاب او ٥ مغامرات وظيفتهم الحقيقة تزود هرمون الجنان والسعادة وده مالوش علاقة بالخوف اللي كان جوايا  .. هي بتبقي عبارة عن حبال كلها مربوطة ف الجبال و ف وسط الهوا .. انا جربت لعبتين بس :

_أول لعبة اسمها zip line تكلفتها ٧٥ جنيه بتطلع علي برج وتتربط ف حبل وتتزحلق بتبقي هتموت من الرعب ف اول ثواني وانت ف وسط الهوا والصخور وبعدها بتبقي مستمتع جدا وهتلاقي نفسك بتسيب ايدك وبتتفرج علي الكنيسة وانت ف الهوا ومستمتع .

_ تاني لعبة اسمها low ropes تكلفتها ١٠٠ جنيه وعبارة عن خمس مراحل تقريبا وكل مرحلة بتوصلك للي بعدها الأول بتمشي ع شبكة كده ف الهوا وبعدها توصل المرحلة الثانية انك تمشي ع خشب ف وسط جبل والخشب ده ف الهوا بينك وبين الأرض مسافة كبيرة جدا ف لازم تبقي محافظ ع التوازن بتاعك طول الوقت طبعا انا كنت مبهورة وف وسط اللعبة مكنتش عايزة اكمل من الخوف وبقول انا ليه عملت ف نفسي كده !!

المرحلة الثالثة كانت عبارة عن سلم كده بالعرض ف وسط الهوا طبعا كله ومفروض انه تعدي عليه بردوا

وبعد كده مفروض بتمشي ع حبال وما لك ان تتخيل تمشي ع حبال ف وسط الهوا وف الاخر بتوصل لبرج كده و بتنزل منه "

و تنهى آية البوست بجملة  : " وشكرا يا مصر يا حبي علي العظمة دي "

و إحنا كمان بنشكرك يا آية على العظمة اللى عيشتينا فيها فى الرحلة دى كأننا معاكى لحظة بلحظة

إليكم الصور الممتعة للجميلة آية السقا و هى توصف لنا بكل التفاصيل الرحلة الممتعة لدير سمعان بالمقطم – بالقاهرة – مصر

ننصحكم بمتابعة آية السقا على الفيس بوك من هنا

و متابعة جروب Traveller Experience Hub من هنا

مصدر البوست من هنا

Edit This Article