تجربتى الخاصة online banking البنك
القطري المصري QNB
Bank و عمل محفظة الكترونية عليه E Wallet
اهلا بيكم زوار كايرو تايمز 24 اكيد بما انك
هنا معانا فى انت عايز تعرف عن online banking – QNB
Bank E Wallet
اولا لازم يكون عندك حساب بالبنك القطري يا اما
انت تكون فاتحه بنفسك يا اما بيكون تبع الشركة اللى انت شغال فيها و بينزل مرتبك
على الحساب دا ..
الموضوع سهل جدا .. بعد تفعيل حسابك و انك تقدر
تستلم فلوس من حسابك دا بتروح لأى فرع بنك QNB قريب منك و بتدخل لخدمة العملاء و تطلب انك عايز
تعمل محفظة الكترونية مربوطة بحسابك فى البنك ..
اولا موظف البنك بيخليك تملا ورقة ابليكشن طلب
و تمضي امضتك اللى فتحت بيها الحساب تكون نفس فورمة الامضاء طبعا
و بيسالك عن رقم التليفون اللى حابب تسجل بيه
فـ بتديله رقم موبيلك اللى هيتم التسجيل بيه ..
حاجة مهمة جدا انه لازم الرقم اللى هتسجل بيه
فى خدمة المحفظة فى البنك القطري او اى بنك اخر لازم يكون مش عليها اى محفظة اخري
مثل محفظة فودافون كاش او كاش فودافون و لا محفظة اتصالات و لا محفظة لاى بنك اخر
لازم تتاكد من دا
و لو حضرتك مثلا مشترك برقم تلفونك فى خدمة
فودافون كاش تقدر تروح اى فرع فودافون و تلغي المحفظة بسهولة جدا و دا بيتم فى
خلال 24 ساعة فقط
بعد التاكد من ان رقم تلفونك لا ينتمى لاى
محفظة مثل فودافون كاش مثلا موظف البنك بياخد منك الورق و بيقولك تحمل من جوجل
بلاي لو تلفونك اندرويد او ابل ستور لو تلفونك اى فون ابل برنامج QNB E Wallet و عند
تفعيل الخدمة بتيجي رسالة على تليفونك ان الخدمة اتفعلت و انك تقدر تستخدم المحفظة
الالكترونية
انت بتفتح البرنامج بتلاقي خانتين : خارنة رقم
التلفون الخاص بك و خانة الباسورد
بيطلب منك تعمل باسورد غالبا بيكون ارقام حوالى
6 ارقام تقريبا مختلفين و من غير تسلسل يعني مش 12345 و لا 78910 لاء ارقام مختلفة
مثل 15975 مثلا
بعدها حضرتك بتقدر تدخل على البرنامج .. فى
خدمات كتير فى البرنامج زي :
1-
خدمات فوري : بتقدر من خلالها تحول رصيد فودافون اوتجدد باقات النت في
فودافون او رصيد موبينيل او رصيد اتصالات او رصيد وي لنفسك او لغيرك بكل سهولة –
بقدر تدفع فاتولاة التليفون الارضي للمصرية للاتصالات بتقدر تجدد رخصة العربية – بتقدر تتبرع لمؤسسات
كبيرة زي مستشفى 57357 او مؤسسة مصر الخير او بهية او مستشفى ابو الريش و غيرها
كتير – بتقدر تدفع لشركات التامين زي Egyptian Takaful او Allianz او
تامين مصر للحياه او Ace
insurance - تقدر تدفع للجامعة بتاعة مثل جامعة القاهرة
الماريف الدرسية - تقدير تدفع اقساط بي
تيك مثلا و حاجات تانية كتير جدا فى خدمات فوري
2-
تقدر تحول فلوس بسهولة من محفظتك لفودافون كاش مثلا او اتصالات كاش
3-
تقدر تحول رصيد من حسابك فى البنك لحساب المحفظة بالموبيل مش محتاج
تروح البنك و تحط فلوس بنفسك فى المحفظة
4-
و مميزات اخري كتير هتكتشفها بنفسك
ارجو يكون الشرح وافي لكل اللى كنتوا عايزين
تعرفوه و شكرا للمتابعة
شكرا لزيارتكم :)
