-->
Cairo Times 24 - كل يوم Cairo Times 24 - كل يوم
random

آخر المواضيع

random
recent
جاري التحميل ...
recent

تأثير فيروس كورونا على الاقتصاد العالمي .. انهيار كيانات و قيام كيانات جديدة

مساحة اعلانية

تأثير فيروس كورونا على الاقتصاد العالمي .. انهيار كيانات و قيام كيانات جديدة 

هات كوباية شاى وتعالى شوف ايه اللى بيحصل فالعالم وايه المتوقع يحصل فالوظايف بسبب كرونا فيرس. تحالف المطاعم المستقل فى امريكا Independent Restaurant Coalition اعلن اليوم انه يوجد انهيار شديد فى البيزنس الخاص بالمطاعم وان ٧٠ بالمائة من المطاعم اخر ٢٠٢٠ متوقع انها تغلق ابوابها و هناك اكثر من مليون و ٤٠٠ الف وظيفة مهددة بالانقراض تماما لان الناس حتى بعد انتهاء فيروس كورونا لن تذهب الى الكافيهات. 


على صعيد اخر يوجد حرفيا كارثة حدثت فى سلسة، STARBUCKS حيث اعلنت من عدة ايام انها اغلقت ٤٠٠ فرع ليها وقررت انها تستثمر فى ال PickUp يعنى العميل يستلم ويروح او يطلبها online.

طبعا الموضوع مخلصش هنا، جت تحالف المطاعم المستقل فى امريكا بيحاول يضغط على الكونجروس انه يساعد المطاعم الصغيرة ويوفر دعم ليهم ب ١٢٠ مليار دولار !!! لكم ان تخيلوا الرقم وده مش عشان يشتغلو ده عشان يحاولو انهم يستمروا وميقفوش ويتخرب بيتهم.
طبعا المشكلة ان البيزنس الخاص بالمطاعم ٧٠ بالمائة منه ناس فردين يعنى Individuals يعنى مش مجموعات ضخمة زى Mcdonald او KFC او STARBUCKS والناس الفرديين دول معندهمش الألية انهم يشتغلوا online و لغاية ميفكروا فى حلول معندهمش فلوس تغطى مرتبات وايجارات الناس فهيطروا يقفلوا ويمشوا الناس من عندهم.

طبعا دى كارثة لان قطاع المطاعم لا يستهان بيه وقطاع كبيرو ضخم  وعلى اخر عام ٢٠٢٠ متوقع ان كلهم يقفلوا ...
 طيب الناس اللى شغالة فالقطاع ده هتروح فين واللى مشترك مع اصحابه وفاتحين قهوة او كافيه هيتخرب بيتهم واللى واخد قرض من البنك مش هيعرف يسدد وهيتسجن.

الكلام ده مش هينتهى على كدة الكلام ده هيتعمم على مجالات ال Retail وكمان محلات البقالة طيب ايه الدليل على كدة، انهردة سوبر ماركت Ocado البريطاني قرر انه يستثمر مليار و ٣٠٠ مليون دولار عشان يطور التوصيل اون لين عبر الإنترنت وطبعا Ocado بياكد ان فى زيادة غير طبيعية فالطلب من خلال الانترنت، طيب ده هيوصلنا لفين ؟؟!!
هيوصلنا ان الشركات الكبيرة هتعرف تطور من نفسها وهتحتكر السوق والصغيرين كلهم تقريبا هينتهوا اقتصاديا .
الناس لازم تفوق وتطور من نفسها فى اسرع وقت لان العالم بيتغير من حوالينا واحنا مش دارين.

المهندس احمد حلمي عبر الفيس بوك
مؤسس Rush Brush 

لمتابعة صفحتنا على فيس بوك ليصلكم كل جديد كل يوم


التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

The total number of Cairo Times visits 24

Google Adsense

جميع الحقوق محفوظة

Cairo Times 24 - كل يوم

2020