The Untold Stories of the Israeli-Palestinian Conflict: Insights from 'Al Daheeh

موقف ميكروباص حلوان العباسية و العباسية حلوان  تحب تعرف ايه عنه 

طبعا هتتخضوا من العنوان و هتقولوا ايه دا اول مرة كايرو تايمز 24 تكتب عن موقف ميكروباص !! و لكن اقراء الاول و اعرف احنا ليه كتبنا عنه :) 

من الحاجات الجميلة جدا اللي لاحظتها في العباسية و انا رايح اركب لحلوان النظام .. لقيت نظام جميل جدا في الموقف دا اللي قدام برج مصر للسياحة بالعباسية .. الناس واققة طوابير من نفسها منظمة اللي يجي الاول يركب في بشياكة اوى استثناءات لذوي الاحتياجات او كبار السن او الناس التعبانة و تقريبا دول اول ناس فى القاهرة كلها بدءوا يعملوا كدا معرفش ليه و ازاى و امتى !!

منظر حضاري رائع مفيش حاجة اسمها اول ما تيجي عربية الكل يجري عليها و يتخانق عليها و المنظر الغير ادمي دا 

النظام دا بدء يتقلد في حلوان كمان الناس بدأت تتعلم و تعجب بالطريقة دى مش فى حلوان للعباسية بس لاء دا موقف حلوان كله كل الناس واقفة صفوف فى انتظار دورها فى ركوب العربية بشكل منظم و محترم و مريح للنفس .. اه في شواذ مش حابين النظام او الأسلوب المحترم دا و حابيين يكونوا مش ادميين بس عادى في كل مكان كدا لازم يظهرلك الناس دي طبيعي .. الصح اننا نجبرهم انهم يبقوا بني ادمين و عندهم اخلاق حتى لو بسيطة ..

موقف حلوان العباسية او العكس بيمر ب مناطق كتير اوى زي شارع صلاح سالم و السيدة عائشة و الاباجية و الدويقة و منشية ناصر و الدائري و صقر قريش و المعادى و المعصرة و جامعة حلوان و حلوان 

نصيحة : لو انت فى العباسة و رايح اتجاه حلوان بعد الساعة 10 بليل انصحك بلاش ميكروباص لحلوان لانك غالبا مش هتلاقي و هتقف كتير كتير اوى بجد فى الاسهل ليك اى مواصلة تانية او المترو مثلا 
شكرا لزيارة كايرو تايمز 24 

Edit This Article